முதன்மையாய் இருந்த காலம்
போயிற்று – முடங்கிக்கிடக்கும்
நிலையாயிற்று.
மேனியைப் போலவே
பளபளப்பிழந்து வாழ்க்கையும்
சுருங்கிற்று...
மெல்ல முடியாததை
உண்ணத் தந்து சலித்துப் போகும்
மனைவி...
கேளாத காதுக்குள்
ஹலோ சொல்லி
இல்லாத சுகத்தை விசாரிக்கின்ற
பிள்ளை...
எப்போதாவது வந்து போகும்
உறவுகள்...
எனக்கு முன்பே செத்துப் போன
நட்புகள்...
எல்லாமே விலகிச் செல்ல
மரணம் மட்டும் நெருங்கி வருகிறது.
2010.11.25
கருத்துகள் இல்லை:
கருத்துரையிடுக